كب كيك بسبوسه وتخزين الشربات

📝طريقة التحضير

1. 1

   هنخلط السميد وجوز الهند والبيكنج بودر ونقلبهم مع بعض ونحط عليهم السمنه وندعكهم ب ايدينا يبقي شبه الرمله المبلوله نضيف عليهم السكر _منعجنش عشان متنشفش_ نحط عليهم الزبادي والشربات التقيل او العسل ونقلب بمعلقه قوام البسبوسه بيكون متماسك ومش جاف اتقل من البسبوسه يعني لو معانا معلقه من الخليط وجينا نفضيها هتنزل كتل طريه مش سايله ولا ناشفه لو ونحطها في ورق الكب كيك والقالب او ندهن صنيه ونرش دقيق ونوزع الخليط

2. 2

   الشربات هنحط السكر والمياه ولما يغلي هنعصر عصره ليمون و٧دقايق ونقفل ونحط الفانيليا هنسيقها وهما الاتنين سخنين بحب ازود الشربات واحتفظ بيه في التلاجه عشان يبقي جاهز ل اي حلويات لو محتاجه دافي بولع عليه يسخن او حسب هحتاجه ازاي هيسهل علينا في رمضان وبالف هنا🩵