مقلوبه الباذنجان باللحم"المقلوبه العرايشى"

📝طريقة التحضير

1. 1

   نسلق اللحمه "نحط فحله معلقتين زيت ومستكه وحبهان ونشوح فيهم اللحمه ونرش عليها رشه فلفل اثناء التشويح ونحط بعد كده مايه والبصله وبطاطسايه وكوسايه وجزره وطماطمايه و٣ورقات لورى والفلفل واول ماتاخد غلوه نحط الملح بتاعنا"

2. 2

   نغسل الباذنجان ونقطعه شرائح بالطول ونحطه فى مصفاه ونسيبه ٢٠دقيقه يتصفى من المايه

3. 3

   يوضع البصل مع قليل من الزيت لمده دقيقه ونقلب فيه ثم نضع اللحم حتى تأخذ لونا داكنا وتتشوح حلو ونحمرها مع البصل

4. 4

   نفصل البصل عن اللحمه

5. 5

   نقلى شرائح الباذنجان ونصفيها من الزيت على مناديل مطبخ ويترك جانبا

6. 6

   نشوح شرائح البطاطس ايضا ومنسويهاش عالاخر تتشوح بس ونتركها جانبا

7. 7

   نغسل الرز وننقعه عشر دقايق بعدين نصفيه

8. 8

   نجيب حله وندهنها كلها بالزيت ونحط فيها معلقتين زيت ونرص فيها بقا شرائح الباذنجان فى الجوانب والقاع ومعها شرائح البطاطس

9. 9

   الطبقه التانيه نرص شرائح البصل المقليه

10. 10

    نرص اللحمه

11. 11

    نحط طبقه باذنجان تانيه

12. 12

    نحط على الرز رشه قرفه ورشه كركم ونقلبه كويس ونكبسه على كل دول

13. 13

    تضاف الشوربه على الطبقات بعنايه حتى لا تفسد طبقات المقلوبه(نفس كميه الرز المصري)

14. 14

    توضع على نار متوسطه حتى تتشرب المرق ثم على نار هاديه حتى يتم النضج

15. 15

    نجهز صينيه كبيره للتقديم توضع اعلى الاناءوهو ساخن ثم نقلبها بعنايه ويرفع الاناء

16. 16

    نحمر المكسرات ونزين بيها من فوق