الوصفة دي بعدد ٢ فرخة و٤ اكواب رز تكفي اسرة كاملة ٦ : ٨ افراد تقدري تقللي الكمية زي ماتحبي بإذن الله هتعجبكم #الخميس #اكلات_بالارز #الشيف_الذهبي
🥗المكونات
- فراخ2
- صلصة2 ملعقة كبيرة
- زبادي2 ملعقة كبيرة
- توم4 فصوص
- زيت زيتون4 ملعقة كبيرة
- ملح ملعقة كبيرة
- فلفل أسود ملعقة صغيرة
- كاري ملعقة صغيرة
- كزبرة ناشفة ملعقة صغيرة
- بابريكا1/2 ملعقة صغيرة
- سبع بهارات1/2 ملعقة صغيرة
- بهارات فراخ ملعقة صغيرة
- ماء ساخن
- رز بسمتي طويل الحبة4 أكواب
- خل ملعقة كبيرة
- زيت3 ملعقة كبيرة
- زبدة ملعقة كبيرة
- جزر2
- بصلة1 كبيرة
- توم1 راس
- فلفل شطة1
- كزبرة ناشفة ملعقة صغيرة
- عود قرفة
- ليمون مجفف
- ورق لورا2
- حبهان2 حب
- قرنفل3 : 4
- فلفل اسود حب1/2 ملعقة صغيرة
- ماء فاتر
📝طريقة التحضير
- 1
بالنسبة للفراخ : نخلط كل مكونات مع بعض بتاعت تتبيلة ونتبل الفراخ بيها ونغطيها بنايلون رول واحطها ف تلاجة ليلة كاملة او تقدري تسيبيها ع جنب لحد ماتكملي باقي الخطوات
- 2
ننقع الرز في ماء ساخن والخل ونخلطهم ونسيبها ١٥ دقيقة واصفيهم كويس
- 3
في صينية او طاجن كبير هحط رز عليه الزيت والزبدة والجزر والبصل والتوم والفلفل السليم وتوابل ونخلطهم ببعض كويس واغطيها بماء فاتر غير ساخن بمقدار يغطي الرز عقلة ونص واغطي الصينية بألومنيوم فويل تقيل ونقفلهم كويس ونخرم بشوكه من فوق
- 4
نحط بقى الفراخ عليها من فوق جنب بعض بس انا صينية بتاعتي مدورة ف حطيتهم زي ما ف الصورة وغطيها بورق زبدة بعدين الومنيوم فويل ونقفل كويس اوي
- 5
هندخلها فرن ساخن مسبقاً ع حرارة ١٥٠° لمدة ساعة ونص ل ساعتين
- 6
هنحط صينية ف الفرن من تحت لمدة ساعة وبعدين نرفعها ع الرف الوسط لمدة نصف ساعة وبعدين اشيل الفويل من ع الفراخ ونتأكد انها استوت نقفل من تحت ونشغل الفرن من فوق علشان الفراخ تاخد لون دهبي حلو
- 7
في صينية تقديم هنحط الرز والفراخ فوقها ونزين بالطماطم و ممكن بالبقدونس المفروم والمكسرات انا حطيت صنوبر وطماطم وممكن تحطي الفلفل اللي كان معاها بردو وبألف هنا♥️ وقدمتها بجانب صوص المندي
- 8
ملحوظة لازم تستخدمي فويل تقيل لاما تعملي طبقتين من فويل الومنيوم
اكتشف المزيد من الوصفات
حمّل تطبيق InstaAkl واحصل على آلاف الوصفات العربية والعالمية مع مؤقتات ذكية وقائمة تسوق.